വരുന്നുണ്ട് കാലം

 

രണ്ടു ദിനരാത്രങ്ങളായ് ഉള്ളിന്റെയുള്ളി-

ലുഴുതുമറിയുന്ന ചിന്തകള്‍.

പൈതൃകം, സംസ്കാരമാം ചന്ദനം വാരി

ദൂരെ എറിഞ്ഞയാള്‍.--ഇനി

വീടിന്റെ മൂലയില്‍ മാറാല മലരിനെ 

കാത്തുകിടക്കട്ടെ മനോഗതം 

വിരാമമാകുന്നു ആകുലചിന്തകളിനി

വരും കാലമണ്ണിന്റെ ആചാരങ്ങളാം

ഇന്നലെ വന്നുകണ്ടതിഥിക്കായാളുടെ 

അച്ഛനെ കൊല്ലണം 

 മരണം നിശ്ചയം, ഞാനല്ലെങ്കില്‍

മറ്റൊരാള്‍..... ? അതിഥിയ്ക്കച്ഛനെ കൊല്ലണം 

 നഷ്ടമാകരുതച്ഛന്‍, ആര്‍ക്കുമൊരിക്കലും 

ഉപദ്രവമാകരുതച്ഛന്‍ ?

മറ്റൊരാളച്ഛനെ വാങ്ങിയ കാശിനു 

കൊടുംക്രൂരമായ് കൊല്ലുന്നു ?

ഒന്നോര്‍ത്താല്‍, പുത്തനതിഥിയാണു-

ശരി പാവമച്ഛന്‍ 

ദയാവധം ഞാന്‍, തന്നെ കൊല്ലാം

ഉപദ്രവമാകില്ല, നഷ്ടവുമാകില്ല അച്ഛന്‍

എന്നാണെങ്കിലും മരിക്കണം

വിരാമമാകുന്നു ആകുലചിന്തകളിനി

വരും കാലമണ്ണിന്റെ ആചാരങ്ങളാം

അതിഥി ഒപ്പിട്ട ചെക്കിലിനി തുകയെഴുതണം 

എത്ര ? എത്രയെഴുത്തണം ?

അച്ഛന്‍ ലാഭമാകണം.