നോട്ട് എലോണ്‍

മഞ്ഞുവീഴാനൊരുങ്ങി നില്‍ക്കുന്ന നഷ്ടങ്ങളുടെ നവംബര്‍, മാനത്തു നിന്നും മരചില്ലയിലൂടെ അരിച്ചു വീഴുന്ന നിലാവില്‍ നക്ഷത്രങ്ങള്‍  പ്രകാശിക്കുന്നു. അമ്മുകുട്ടി മുകളിലേക്ക് കണ്ണെടുക്കാതെ നോക്കി നില്‍ക്കാണമ്മയെ

"അമ്മ എപ്പളാ വര്വാ..അച്ഛാ ചോദിക്കച്ചാ.

അവളുടെ കുഞ്ഞുമുഖം നോക്കി എന്നത്തെയും പോലെ അയാള്‍ ആ  നുണ "വേഗം വരുല്ലോ.. മോള്‍ക്ക്‌ ഉറങ്ങണ്ടേ അല്ലേല്‍ അമ്മ അച്ചനെ വഴക്കുപറയില്ലേ.

"മോളോറുങ്ങുമ്പോളാകും അമ്മ  വര്വാ...

അതും പറഞ്ഞുകൊണ്ടവള്‍ അയാളുടെ ചുമലില്‍ ചാരി കിടന്നു.പുറത്തു കാറ്റടിക്കുന്നുണ്ട് ഇത്തിരി നടന്നപ്പോഴേക്കും അമ്മു ഉറങ്ങി മുറിയിലും ബെഡിലും നിറയെ അവളുടെ ടോയ്സാ, അവളെ അവിടെ കിടത്തി പുതപ്പ് വിരിച്ചപ്പോഴക്കും പുറത്തു വാതിലില്‍ തട്ടലും മുട്ടലും പുറകെ നിര്‍ത്താതെ കൊള്ളിംഗ് ബെല്ലടി.

അമ്മു നല്ല ഉറക്കത്തിലേക്ക് വീണുപോയിരിക്കുന്നു ചെന്നു വാതില്‍ തുറന്നതും  രാത്രിയുടെ തിരശീലയില്‍ നിന്നുമാരോ ഓടിക്കിതച്ചയാളുടെ മുന്‍പില്‍ ഒരു സ്ത്രീ, ദോലുമുഴക്കം പോലെ അവളുടെ ഹൃദയമിടിപ്പവിടെ കേള്‍ക്കാമായിരുന്നു അതുമാത്രം. 

അത്രയും നിശബ്ദമായ നേരങ്ങള്‍ കണ്‍മുന്‍പില്‍ സമ്മാനിച്ചവള്‍ ഒറ്റവാക്കില്‍ എന്തോ പറഞ്ഞുകൊണ്ടേ പരതികൊണ്ടിരുന്നു "വെള്ളം...വെള്ളം..തണ്ണി.

 

വെള്ളം ജഗ് ഒരൊറ്റ നിമിഷം കൊണ്ടുകുടിച്ചവസാനിപ്പിച്ചു. പാറി പറന്നമുടിയിഴകള്‍,വിയര്‍ത്തൊലിക്കുന്ന മുഖവും ശരീരവും കാലില്‍ ചെരിപ്പില്ല ഒരു കൌമാരക്കാരി.

"ആരാ എന്തിനാ വെപ്രാളം ?

"അമ്മാവേ കൂപ്പിടമുടിയുമാ.

" അമ്മ ?  ഇവിടെ ഞാന്‍ മാത്രെ ഒള്ളൂ തനിയെ.

"കാപാത്തിട സാര്‍ എനക്കാകെ ഒരുധവി സെയ് വീങ്ക്ലാ.

"നീങ്ക തമിഴാ എന്താ പ്രശ്നം ?

"തമിഴ് താ... ആനാ നാലഞ്ചുവര്‍ഷമാ ഇങ്ക താന്‍ വേല പാക്കറെ. ഇന്നേക്കു മട്ടും നാന്‍ ഇങ്ക തങ്കലാമാ നാളെ കാലെയിലെ പോയിട്രേ ഇങ്ക ഈ ലിവിംഗ് റൂമേ പോതും.

"വേലയോ, എന്തു ജോലി ?

"വീട്ടുവേല സാര്‍.

"കണ്ടാല്‍ അപ്പടിയൊന്നും തോന്നുന്നില്ല നിന്നെ കണ്ടാല്‍ ചിന്നകുട്ടി കൊളന്തമാതിരി.

"കൊളന്ത താ കുട്ടിയാനപ്പഴെ വിറ്റിട്ടെ അതുക്കപ്പുറം ഓരോ ഊര് നാട് റൊമ്പ നാള കേരളാവിലെ അതിനാലെ മലയാളം കത്ത്‌ക്കിട്ടെ പേച്ചു വരാത് ആനാ വാര്‍ത്തയ് പുരിയും.

"കാശിനു വേണ്ടി ഉന്‍ സ്വന്ത അപ്പാ..അമ്മാ ഉന്നെ വിറ്റിട്ടെ ? അതൊക്കെ പോകട്ടെ ഇപ്പൊ നീ എവിടേക്കാ ഈ ഓടുന്നെ.

"അറിയാത്,  വേലപാക്കറ വീടുവിട്ടോടിട്ടേ.

"എന്താവുത്‌ പ്രശ്നമാണോ ?

"കൊഞ്ചം നാള്‍ മുതല്‍ക്കെ ഒരേ പ്രച്ചനംതാ, അങ്കെ അമ്മാവുക്ക് ദീനം വന്നു ഒരേ കിടപ്പ്  നാലു മാസമാ, അതുക്കപ്പുറം ആ വിടെനിക്ക് പിടിക്കല്ലേ.സാറും അവങ്കളുടെ ഫ്രണ്ട്സും ആട്ടവും പാട്ടും സാര്‍ ആളെ മാറി പോച്ച് സാറു ചുമ്മാ വെരട്ടിറാ ഫ്രണ്ട്സെ കൂട്ടിട്ട് വന്ത് വെരട്ടിറാ മുടിയാത് വിട്ട് ഓടിട്ടേ. അവങ്ക എന്‍ പിന്നാടിയിറുക്ക് അതിനാലെ ഓടി ഇങ്കെ കേറിട്ടെ.

"ഇങ്കേ ഉന്നെമാതിരി കൊളന്ത വേല പാക്കകൂടാത്  അതു തപ്പ് തിരിയുമാ?

"നീങ്കാ പോങ്ക സാര്‍ നാന്‍ മട്ടുമാ ഇങ്കേ....എത്തനെ കൊളന്തങ്ങ വേലപാക്കറെ,ഇതനാഥ പശങ്കള്‍ക്ക് പെരിയകുഴി സാര്‍ വീണ മറുപടിയും കേറിവര മുടിയാത്.കാശ്ക്ക് കൊളന്തങ്ങളെ കൊടുപ്പേ മാസാമാസമാളു വരുവേ പണം മുഴുവാനാ അവങ്ക വിഴുങീട്ട് പൂവേ. എന്നമാതിരി കൊളന്തകള്‍ക്ക് എപ്പടി വാഴ്ക്ക സാറിത് പുരിയലെ.

"നിന്റെ പേരന്നാ ? നാളെ നീ കാലത്ത് എങ്ക പോവും,ഊരുക്ക് പോവോ ?

മുറിയില്‍ നിന്നും അമ്മുക്കരയാന്‍ തുടങ്ങി ചെന്നെടുത്തു തോളിലിട്ടു പുറംതട്ടി കൊണ്ടയാള്‍ അവള്‍ക്കഭിമുഖമായിരുന്നു.

 

"മീനാക്ഷി,സാര്‍ കൊളന്തയാ ഇവളുടെ അമ്മ എങ്കെ ?

"അമ്മ..........ഇവളും നിന്നെ മാതിരിതാന്‍ അനാഥയ് ആറു വര്‍ഷങ്ങള്‍ക്കു മുന്നാടി ഒരുരാത്രി നിന്നെപോലെ ആരോ എവിടെ നിന്നോ വന്നു ഇവിടെ വിട്ടുട്ട്പോയി. അതുക്കപ്പുറം ഇവള്‍ക്ക് നാന്‍ താന്‍ അപ്പേ........ഇന്നിപ്പോ ഒരുപാടു  നേരം വൈകി നീ നാളെ കാലത്ത് പോക കൂടാത് നമുക്കൊരുമിച്ചു താന്‍ പോണം ഇങ്കെ ഒരു ആശ്രമമുണ്ട് നിനക്കവിടെ എത്രനാള്‍ വേണെങ്കിലും തങ്ങലാം പിന്നെ ഊരുക്ക്‌ പോകലാം. അതുക്കപ്പുറം  മറ്റുകുട്ടികളെയും രക്ഷപ്പെടുത്ത വേണ്ടാമാ അവങ്കളെ തേടി പിടിക്കലാം നിങ്ക മുതലാളിയെ പോലിസിക്കിട്ടെ പിടിപ്പിക്കലാം   എപ്പടി സന്തോഷമാ...ഇപ്പൊ നീയാ മുറിയില്‍ പോയി തൂങ്ങ്.

മീനാക്ഷി അയാളെ തിരിഞ്ഞുനോക്കി നടന്നു 

"സാര്‍ നീങ്ക കടവുളാ ?

അയാള്‍ പുഞ്ചിരിച്ചു അല്ലെന്നു തലയാട്ടി "ഉന്നെ പോലെതാന്‍ അനാഥയ്, അമ്മാ നമ്മക്കുള്ളതാ കടവുളിറുക്ക് പോങ്കമ്മ പോയി തൂങ്ങ് കാലത്തു പേശിക്കലാം.

"ഈ ഉലകത്തീ എല്ലാരും അനാഥയാ  ഇതു മട്ടും താന വാഴ്ക്ക സാര്‍ ?

മീനാക്ഷി നിര്‍ത്താതെയതും പറഞ്ഞു മുറിയിലേക്ക് മറഞ്ഞു

അയാള്‍ അമ്മുവിന്റെ മുഖത്തേക്ക് നോക്കി അവള്‍ തോളിലെ ചൂടേറ്റുറുങ്ങുന്നു. ജീവിതത്തിലെ തെറ്റുകളും യാതനകളും വേദനകളും ഏകാന്തതയും ചിലരെ കീഴ്പ്പെടുത്തും ചിലര്‍  കീഴ്പ്പെടും ചിലരതിനെ കീഴടക്കും. കീഴടക്കി  പിന്നെയൊരോട്ടമാണ് ഇരുട്ടില്‍ നിന്നും വെളിച്ചം തേടിയുള്ള പലതിനെയും തേടിയുള്ള  ഓട്ടം മീനാക്ഷിയും  ഓടുകയായിരുന്നു ഓടികയറി നിന്നതു അയാളുടെ മുന്‍പില്‍ കീഴ്പ്പെട്ടു പോയാല്‍ പിന്നെ പലതും ഉപേക്ഷിക്കലാണ് അങ്ങനെയാരോ  അമ്മുവിനെ ഉപേക്ഷിച്ചതാണ് അയാളുടെ മുന്‍പില്‍.

 

ഇരുട്ടിന്റെ ഇന്നലെകളുടെ ചുവരുകള്‍ക്കുള്ളില്‍  അയാളും തനിച്ചായിരുന്നു അമ്മുവിന്റെ സാന്നിദ്ധ്യം ആ ഇരുട്ടിലുണ്ടാക്കിയ വെളിപാട്‌, അതൊരു പ്രകാശത്തിന്റെ പാഠമായിരുന്നു സൂര്യന്‍ സ്വയം ചുവന്നു ഇരുട്ടു നല്‍കി അസ്തമികുന്നതു  ഉദിയ്കാനാണ് പ്രകാശം പരത്തി ഉദിയ്ക്കാന്‍. സൂര്യന്‍  പ്രകാശിച്ചു കൊണ്ടേയിരിക്കുന്നുണ്ട്, ആ വെളിച്ചത്തിലേക്ക് പറയാതെ കടന്നു വരുന്നൊരതിഥി  ഇരുട്ട്. പക്ഷേ ആ ഇരുട്ടിലും വെളിച്ചമായി നക്ഷത്രങ്ങള്‍ ഉണ്ടായിരിക്കും പ്രകാശത്തിനു സൂര്യനു പ്രേരണയായി നാളെയില്‍ ഉദിച്ചുയരാന്‍.

ജീവിതങ്ങള്‍ അമ്മുവും മീനാക്ഷിയും, സൂര്യനെപോലെ പ്രകാശിച്ചുകൊണ്ടേ ഇരിക്കുന്നു അവരെ മുഴുവനായും കീഴ്പ്പെടുത്താന്‍ ഇരുട്ടും എന്നാലിപ്പോ ഉദിച്ചുയരാന്‍ പ്രേരണയായി നക്ഷത്രത്തെപ്പോലെ അയാളുണ്ട്.

ജീവിതത്തില്‍ ചിലര്‍ നക്ഷത്രങ്ങളാണ് അയാളെ പോലെ രാവും പകലും സ്വയം പ്രകാശിച്ചു. ഇനി വരും കാലം അവരും നിങ്ങളും  പ്രകാശിക്കട്ടെ ആരെയും അനാഥരാക്കാതെ ഇരുട്ടിനുവിട്ടു കൊടുക്കാതെ തനിച്ചാക്കാതെ അനേകായിരം മനസുകളെ  ഏകാന്ത ചിന്തകളിലേക്കും,  

ഏകാന്ത ജീവിതത്തിനും വിട്ടുകൊടുക്കാതെ ഒരു കൂട്ടായി ഒരു തണലായി അവരുടെ ഉള്ളിലെ സൂര്യനു പ്രേരണയായി വരും നാളെയില്‍ ഉദിച്ചുയര്‍ന്നു പ്രകാശിക്കാന്‍, ഇന്നലെകളില്‍
മരവിച്ചുപോയ മഞ്ഞുകണങ്ങളെ ലയിപ്പിക്കാന്‍ !!!